19-njy aprelde Türkmenistanyň Mejlisiniň wekilleri Parlamentara Bileleşiginiň Baş sekretarynyň saýlawlaryna gatnaşdylar.

Mejlisiň saýtynda habar berlişi ýaly, saýlawlar Stambul şäherinde Parlamentara Bileleşiginiň 152-nji Assambleýasynyň çäklerinde geçirildi.

Ses bermegiň netijesinde, Rumyniýadan dalaşgär hanym Anda Kristina Filip Guramanyň täze Baş sekretary bolup saýlandy.

Çeşmäniň belleşine görä, Türkmenistanyň Parlament wekiliýetiniň bu saýlawlara gatnaşmagy ýurduň halkara derejesindäki demokratik we kanunçykaryjylyk işlerine işjeň gatnaşýandygynyň nobatdaky subutnamasydyr.